سماع الموسيقى ، متل شرب القهوة. متل ما بتقدر تعمل قهوة من باكيت نسكافيه "٣ في ١" وتنبسط، كمان بتقدر تسمع موسيقى ع "سبوتيفاي" وسماعات مش براند وكمان تنبسط. فش حدا إله ضربة لازم عليك ولا إلها كتالوج وما دون هالكتالوج فهو كفر. —بس كمان تـ تعمل قهوة فاخرة وتستمتع بكل مكوناتها، مش قهوة سد الحنك؛ بتصفي بتنقي حبوبها، درجة تحميصها، وبتجيب مطحنة لحال وماكنة قهوة لحال، وتعزل الحبوب عن الهوا، وتقعد تعملها مساج قبل ما تكبسها —هيك كمان الموسيقى تـ تسمع الموسيقى كيف اتسجلت؛ بتصفي بتنقي الأغاني تنقاية، وتتأكد أنه الملف منسوخ من سي دي أصلي وكمان شو نوع الملف. بتجيب الداك لحال، والستريمر لحال، وبتعزل الأمبليفاير عن الكهربا الملوثة، وتقعد تفكر في كل كابل، كل عازل تحت الأجهزة. وكمان بتنقي خرطوشة قراءة الڤينيل بعناية، ومش كل ڤينيل ڤينيل، الـ ٣٣ مش متل الـ ٤٥ ويمكن تفصّل سماعاتك تفصيل كمان لتخرج من محدودية السوق. كل هادا تـ تسمع الموسيقى متل ما اتسجلت، لأنك بتحب تسمع موسيقى متل ما بتحب تشرب قهوة جميلة.